Tennis: Damen 60/Damen 65 sagen AHOI

Ahoi Ihr Leit und gebt gut acht,
mir spiele Tennis uffm 08.
Mir, des sin zehn starke Fraue,
die sich wirklich noch was traue.

Mir losse net nur die Sektkorke knalle,
mir renne ach noch ganz flott nochem Balle.
Vun de Grundlinie ans Netz, des sollter mol seh,
vun links noch rechts – flink wie eh Reh.
An Grazie und Anmut – mir sages unumwunne,
hot ma im Club noch nix besseres gfunne.

Mir koche Kaffe, backe leckere Kuche,
noch so Prachtexemplare do musst Du lang suche.
Mir zupfe des Ukraut un schneide die Hecke,
hawwe kä Angst vor Spinne und Zecke.
Stehe uff jeder Position unsern „Mann“,
jedi so gut und wie sies halt kann.

Jetz  komme ma awwer schun wieder zum End,
bevor ihr noch alle vorm Bildschirm einpennt.
Äns wollte ma Euch awwer noch sage:
haltet durch, es komme wieder bessere Tage.
Dann spiele ma gemeinsam, wie oben schon gsacht
wieder äh Wahnsinnstennis – uffm 08.